അഗതിദിനത്തിന്റെ സ്‌നേഹദൂതുമായി അഗതി മന്ദിരത്തില്‍
രാജപുരം: ഹോളിഫാമിലി എ.എല്‍.പി സ്‌കൂളിലെ കുട്ടികളാണ് ‘ അഗതിദിനം’ ചിലവഴിക്കാനായി പെരുമ്പള്ളി ബത്‌ലേഹം അഗതി മന്ദിരത്തില്‍ എത്തിയത്. കുഞ്ഞുമനസ്സുകളില്‍ കരുണാര്‍ദ്ര സ്‌നേഹത്തിന്റെ ബാലപാഠങ്ങള്‍ പരിശീലിപ്പിക്കുക എന്ന ലക്ഷ്യത്തോടെയാണ് അഗതികളുടെ അമ്മയായ മദര്‍ തെരേസയുടെ ജന്മദിനമായ ഇന്ന് ഹോളിഫാമിലി എ.എല്‍.പി സ്‌കൂളിലെ കുട്ടികളും, അധ്യാപകരും, പി.റ്റി.എ അംഗങ്ങളും അഗതി മന്ദിരത്തിലെത്തിയത്. ഓഗസ്റ്റ് 26ന് കേരള സര്‍ക്കാര്‍ അഗതി അനാഥര്‍ എന്നിവരുടെ ദിനമായി പ്രഖ്യാപിച്ചിരുന്ന സാഹചര്യത്തില്‍ അഗതികളോടൊപ്പമായിരിക്കുവിന്‍ എന്ന് കുട്ടികള്‍ തീരുമാനിച്ചത് ഏറെ മാത്യകപരമായ പ്രവര്‍ത്തനമാണ്. കുട്ടികളുടെ വകയായി അന്തേവാസികള്‍ക്ക് വിഭവ സമ്യദ്ധമായ സദ്യ നല്‍ക്കുകയുണ്ടായി. രാജപുരത്തെ പീറ്റര്‍ ഒഴുങ്ങാലില്‍ നടത്തുന്ന അഗതി മന്ദിരത്തില്‍ 70 ഓളം അന്തേവാസികള്‍ ഉണ്ട്. ഇവര്‍ക്ക് പ്രധാനാധ്യാപകന്‍ സജി എം.എ അഗതിദിന സന്ദേശം നല്‍ക്കുകയുണ്ടായി. പി.റ്റി.എ പ്രസിഡണ്ട് റോയി പി.എല്‍ ആശംസയര്‍പ്പിച്ചു സംസാരിച്ചു. സ്റ്റാഫ് സെക്രട്ടറി ഒ.സി ജയിംസ്, അബ്രാഹം കെ.ഒ, ഷൈബി അബ്രാഹം, ഗ്ലാഡിസ് മാത്യു, സോണി, അനി അബ്രാഹം, മോളി തോമസ് എന്നിവര്‍ നേത്യത്വം നല്‍കി. ജീവ കാരുണ്യവും കാലികപ്രസക്തവുമായ ധാരാളം പ്രവര്‍ത്തനങ്ങള്‍ ഹോളിഫാമിലി എ.എല്‍.പി സ്‌കൂളില്‍ നടന്ന് വരുന്നു.
Tuesday, 26 August 2014
Subscribe to:
Post Comments (Atom)
കുട്ടികളില്‍ ഇത്തരം നല്ല ശീലങ്ങള്‍ വളര്‍ത്തുന്ന അധ്യാപകര്‍ക്ക് അഭിനന്ദനങ്ങള്‍..........
ReplyDelete